emerxincia climática e sostibilidade
Por que sabemos que o clima está cambiando debido ás actividades humanas?
O dióxido de carbono (CO2) é un importante gas de captura de calor (invernadoiro) que se libera a través de procesos naturais como a respiración e erupcións volcánicas, así como actividades humanas como a deforestación e a queima de combustibles fósiles.
É certo que a concentración de CO2 foi oscilando ao longo da historia da Terra. Sen embargo, os niveis de CO2 rexistrados nas últimas décadas nunca se alcanzaron antes. Isto apunta a que as emisións de CO2 derivadas da queima de combustibles fósiles están contribuíndo a valores tan enormes.
As altas concentracións de CO2 na atmosfera son propensas a causar quentamento na superficie da Terra, promovendo non só estacións calorosas pero tamén modificando a forma en que o océano regula o clima da Terra.
E se o océano “non funciona”, prepárate para os eventos extremos.
Quizais sexa hora de pensar doutro xeito!
(fonte: NOAA; https://climate.nasa.gov/vital-signs/carbon-dioxide/)
![](https://northwind.gal/wp-content/uploads/2021/09/15_co2_left_061720.gif)
![](https://northwind.gal/wp-content/uploads/2021/09/climate-change.jpg)
Queres saber os niveis de CO2 a tempo real?
Efectos futuros do cambio climático
- As temperaturas aumentarán constantemente
- O nivel do mar subirá entre 0,3 e 3,4 m para o ano 2100.
- Intensificaranse as secas e as ondas de calor (en consecuencia, máis incendios)
- Haberá cambios nos patróns de precipitación
- Modificarase a duración da tempada, promovendo alteracións nas actividades pesqueiras e agrícolas.
Ser sostible: as tuas eleccións importan
1. Reducir o emprego de plástico dun so uso.
Emprega tazas de café e bolsas de compra reutilizables en lugar de cuncas dun só uso.
As bolsas de silicona reutilizables e outros envases duradeiros poden substituír as bolsas de plástico dun só uso.
Ademais, elixe produtos con menos envases de plástico e apoia ás empresas que traballan para reducir os seus residuos de plástico.
![](https://northwind.gal/wp-content/uploads/2021/09/botella.jpg)
![](https://northwind.gal/wp-content/uploads/2021/09/pesca-sostenible.jpg)
2. Escoller comida sostible
Se vives preto da costa, explora se os pescadores locais venden produtos sostibles. Recompensa aos pescadores que lideran a saúde dos océanos gozando de especies locais que están en tempada.
Lembra que cando vaias mercar peixe éste debe estar debidamente etiquetado para saber de onde é e como se capturou ou creceu. É a túa elección!
3. Decide a maneira na que te moves e estás no mundo
O transporte é a maior fonte de emisións de gases de efecto invernadoiro a nivel mundial, o que significa que é unha gran oportunidade de mellora. Aquí tes algúns consellos: podes usar máis a túa fermosa bicicleta, podes compartir o teu coche con compañeiros para ir traballar en vez de conducir só, ou podes reducir as viaxes en avión.
Ademais, é hora de pensar nas nosas casas. Con pasos sinxelos como lavar a roupa con auga fría ou axustar as capas de roupa antes de chegar ao termostato, podemos avanzar moito cara a reducir a cantidade de enerxía consumida.
![](https://northwind.gal/wp-content/uploads/2021/09/transportation.jpg)
![](https://northwind.gal/wp-content/uploads/2021/09/carbon-footprint.jpg)
4. Reduce a túa pegada de carbono
Todo o que consumimos ten unha pegada de carbono, incluíndo a comida que comemos, a roupa que levamos e outras cousas que mercamos. É por iso que hai un movemento crecente de persoas que se comprometen a consumir menos.
Rexeitar, reducir, reciclar, por esa orde. Escolla elementos reutilizables ben feitos sobre
elementos dun só uso. Compra só o que necesites (de segunda man se é posible), faino para duralo e úsao antes de mercar máis.
Hai moitas cousas que podemos facer polo medio ambiente a nivel persoal, pero nada máis importante que falar para asegurarnos de que os que dirixen o mundo actúen AGORA.