Acompañado de expertos en investigación mariña e guías oficiais do parque nacional, te empaparás dos segredos submarinos desta rexión Atlántica, e participarás nun proxecto de ciencia cidadá global que che axudará a comprender mellor como funciona o noso marabilloso océano.

Con esta experiencia queremos que te sintas científico por un día e coñezas o singular ecosistema mariño que deu lugar á creación do Parque Nacional Marítimo-Terrestre das Illas Atlánticas de Galicia, sen dúbida un lugar único no mundo.

Navegaremos dende Baiona ou Vigo cara ás illas do parque nacional gozando dunha paisaxe única nun entorno de incomparable beleza. Ao longo da travesía navegaremos acompañados dunha científica mariña que nos explicará todos os aspectos relacionados coa singularidade desta rexión tan especial, que fixo que Galicia sexa durante décadas o foco de atención da comunidade científica mariña internacional. Ademáis, o desenvolvemento desta experiencia contribuirá a un proxecto de ciencia cidadá global tomando datos oceanográficos para analizar como varía a produtividade dos océanos ao longo do tempo.

Para coñecer a parte terrestre do parque nacional visitaremos unha das súas illas, onde desembarcaremos e realizaremos unha ruta interpretativa acompañados dunha guía oficial do parque, visitando algúns dos seus miradoiros máis emblemáticos. Por último, descubriremos con material visual o gran tesouro submarino que agocha este parque nacional. Para os máis intrépidos visitantes contaremos con equipos de snorkel para que poidades disfrutar cos vosos ollos dun espectáculo inolvidable.